نظرت في الملكوت كتير ، وإنشغلت !

عن الـ G20 !

2009-04-03T11:40:00.003+02:00

أن تكون دول مثل الولايات المتحدة الأمريكية والمملكة المتحدة واليابان والصين وفرنسا وايطاليا أعضاء في منظمة G20 فلا مشاكل.. وأن تدخل عدة إقتصاديات واعدة -علي المستوي العالمي- مثل البرازيل و كوريا الجنوبية والهند هذه المجموعة فمازلت لا أجد مشكلة.

أما أن توجد داخل المجموعة دول مثل الأرجنتين التي كانت علي وشك الإنهيار الإقتصادي التام في منتصف التسعينات ، و كذلك جنوب أفريقيا التي لم تخرج من حقبة التفرقة العنصرية -لديها من ذلك العهد 3 رءساء منهم إثنين سابقين- إلا من 15 عام مضت ، فذلك يدعو للحسرة علي الإقتصاد المصري..

أما أن تتواجد المملكة العربية السعودية داخل هذه المجموعة ، بحيث أصبحت مصر لا تواجد لها علي الصعيد الإقتصادي العربي وكذلك الأفريقي ، فذلك يجعل الدعاء علي (يوسف بطرس غالي) -وكل من يدير الإقتصاد المصري- فرض كفاية يجازي تاركه!

حتي أنتِ يا عايدة!

2009-03-31T07:47:00.002+02:00

إستمعت مؤخراً لحوار إذاعي مع الفنانة (عايدة الأيوبي) علي إذاعة رحاب اف ام ..

الحقيقة أني صُدمت بتحول (عايدة) إلي الغناء الديني!
كنت سيبتي الموضوع ده لحد تاني يا (عايدة)!
كنت بمني نفسي بعودة للإستماع لصوتك اللي تقريباً ما جاش زيه من ايام التسعينات وشرايط الكاسيت ، لكن تروحي تغني "نهج البردة" ولا قصدية "التوسل" فده حرام بجد!

رغم كل ده ماقدرتش اني أكره توجهك الجديد ، لأني حسيت - برضه- بأنه مازال نابع من البراءة والشفافية الموجودة عندك ، لكن -برضه- لعنت كل المشايخ اللي إتأثرتي بيهم وخلوكي تعملي كده!

ليه بس كده يا(عايدة)؟
يارتني ما كنت عرفت إنك هاترجعي و فضلت بسمع الـ 3 شرايط بتوعك اللي عندي وبس!

فور ام

2008-10-18T15:05:00.005+02:00

لاعاجبو كده ولا كده
ولا كده ولا كده
وتاعبنا معاك

أيام الروقان من هنا

زحمة يا دنيا زحمة!

2008-10-15T00:09:00.003+02:00

كتير الناس كتير
وانا عايز أركب وأطير

السادات 2008

2008-10-05T18:58:00.002+02:00

أفرول وسخ علي سرير عسكري..وقع علي سرير العسكري اللي تحته..
بس الظاهر الأفرول ماكانش ولابد!.. العسكري شاخخ فيه يعني!

تقوم إشاعة في عنبر العساكر ، تصور للأمن أن العنبر فيه فتنة طائفية!
في ناس بتنفخ في النار.. وبتستخدم العساكر المستجدين وقود للنار!..
أنا بحذرها .. وبقولها الجيش له أنياب!

نبطشي خول وحكمدار علق.. دخل عليهم مقدم متناك!
علّق سلك وشوية معلبات.. بس الظاهر السلك كان عريان شوية!
تطلع إشاعة تصور للأمن أن عنبر العساكر فيه إتنين خولات!
أنا مش فاهم الضمراني بيفكر إزاي؟!
إمبارح كان معايا..النهاردة يحبس العساكر!
بلغ الضمراني إحتجاجي الرسمي علي حبس العساكر!

*أفرول: اللبس اللي بيلبسه العسكري أو الضابط.. زي بدلة الشرطة كده.
**سرير العساكر بيبقي دورين!
***عنبرالعساكر: مكان نوم العساكر يطلق عليه العنبر.
****نبطشي: الشخص القائم علي حراسة العنبر.
*****حكمدار: أقدم عسكري في العساكر يسمي حكمدار و له سلطات إدارية معينة.
******الضمراني: جت علي دي يعني؟!.. أهو خول من الخولات!

دورها دور وعطيني شفطة!

2008-09-16T03:03:00.000+02:00

إرسم لي خط وأنا أمشي عليه!

2008-09-15T12:08:00.001+02:00

جسم المرأة الذي له جغرافيا, سوي يكون له تاريخ صعب.

أنيس منصور

بإقتباس عن مدونة obscureandmelancholic

الحرية الجنسية في زمن عصابة توتو وحمادة! *

2008-09-14T13:31:00.003+02:00

لماذا لا نسمح بالحرية الجنسية؟
من أروع التجارب التي يعيشها الإنسان أن يكون في فراش واحد مع فتاة تحبه وترغبه في آن واحد.. لماذا يظل هو أو هي أسيريّ ورقة لا تقدم ولا تؤخر إلا أمام الناس؟

أعرف تماماً العقلية المسيطرة علي ذكور/خناشير الشرق قبل إناثهم ، لكن تحول كهذا لا بد أن يـُخلف صدمة حضارية لوقت معين وبعدها سيصبح أمراً عادياً..
الحتمية الإجتماعية - غير الحتمية التاريخية بالمناسبة :)- ستفرض هذا الوضع عاجلاً أم آجلاً ، فمن كان يتخيل أن تهبط المرأة المصرية من مشربيات الجمالية والحسين لتعمل سواءً سواء مع الرجل؟

من كان يصدق أن ترتدي الفتاة المصرية الـ (ستومك بادي) أو -في أقل الحالات ضرراً- غطاءً للرأس لإرضاء حامي حمي الحريم لديها سواء كان أباً/أخاً/خطيباً/زوجاً؟

لا أدعي أني (مقطع السمكة وديلها) لكن لدي نماذج كثيرة من أماكن محافظة تماماً ، وتربت تربية دينية تماماً -إما عن إجبار أو إقتناع- ، وما تلبث أن تستسلم وتفرغ مكنوناتها المكبوتة لمجرد مقابلتها رجل لا يفكر بعقلية الأخ الأكبر الذكورية المنتشرة حولها ، بل يعطيها الفرصة لتكون هي كما يحلو لها.

بالمناسبة أنا لا أدعو للإجبار إطلاقاً.. أنا أدعو لحرية الفعل وليفعل كلٌ ما يشاء ، أما أن يستمر الوضع كما هو عليه الآن فإسمحوا لي ياسادة أنكم ستزورون المتاحف عما قريب!!

*يمكنك مشاهدة بعض أفراد العصابة من هنا

عن الطبقة اللي كانت متوسطة!

2008-09-03T14:35:00.000+02:00

أنتمي لعائلة من الطبقة المتوسطة أو -لمزيد من الدقة- من الطبقة فوق المتوسطة بنسبة ضئيلة لا تذكر ، لكن ما يحدث الآن في مصر يجعلني أتنبأ أننا -أي عائلتي- سنغادر تصنيف الطبقة الوسطي اعلاه ، ونتجه إلي ما دون الطبقة الوسطي مثلنا مثل آلاف من العائلات في مصر..

أصبحت مصر الآن مقسمة لمن يرتاد (بورتو مارينا) و (بورتو سخنة) و(مراسي) ، ومن يقف في طابور العيش لا يجده تقريباً!
اليوم كنت أبتاع أشياء تؤكل/تشرب ومن هذا القبيل لأمي ، فوجدت أن نبرة التذمر من الأسعار زادت بدرجة كبيرة -إن لم تكن مفجعة- ، لكن الشيء الذي سيصيبني بالفالج حتماً أن هذا التذمر من باب (طق حنك) لا يتبعه أي شيء علي الإطلاق!

مصر أصبحت وكالة بدون بواب يستطيع كل من يمتلك نفوذ/سلطة/نقود ان يفعل فيها ما يشاء!
بالأمس القريب كانت أسعار القمح عالمياً في إرتفاع بالغ ، والآن أسعار القمح رجعت لمعدلاتها الطبيعية تقريباً ، لكن ما يزال مسلسل النصب مستمراً و بنجاح باهر.. أمس كنت أريد شراء كنافة بلدية -تختلف تماماً عن المعلبة/الجاهزة- ووجدت رد ظريف جداً يتلخص في أنه لا يوجد دقيق للعيش فهل سيتواجد للكنافة؟!

الآن أكاد أموت كمداً من أراء من حولي المقتصرة علي فلسفة (طق الحنك) وفقط بدون أي رد فعل أخر ، لكني اجد نفسي متشفياً فيهم لأنهم يستحقون ما هم فيه ، وأعدهم أني بمجرد وصولي لمرحلة السيطرة علي مجريات حياتي أن أغادر هذه البلاد (أسيبهالهم خضرا) ، والأيام بيننا وبين الطبقة المتوسطة!

وكما يقول (الفاجومي):

ياشعب مصر المحمية بالحرامية
الفول كتير والطعمية والبر عمار
والعيشة معدن
واهي ماشية أخر أشية
ما دام جنابه والحاشية بكروش وكتار

تساؤلات صائم!

2008-09-02T08:34:00.003+02:00

لفت نظري كتاب في مجال تخصصي ، وحاولت البحث عنه دون جدوي نظراً لحداثة إصداره وعدم توافر الكتب العلمية ياللغة الإنجليزية في مصر.. الآن قررت طبع جزء منه علي نفقتي الخاصة أملاً أن يحوذ علي إعجابي وأطبعه كله - علي أساس أن عدد صفحاته يتعي الـ 1000 صفحة- ..
وجدتني لدي تساؤل مهم حقاً وهو: لماذا لا نوفر النقود المـُنفقة علي المـُنشآت الدينية و نخصص دعم ما لمشكلة مثل التي تواجهني؟

دعكم مني! ألا يوجد أطباء/مهندسون/قانونين..إلخ في حاجة إلي مصادر معرفة؟
ألا يرضي الله أن يـُنفق المال في علمٍ يـُنتفع به بالنظر إلي فائض أماكن العبادة المهول في وقتنا الحالي؟

ألا يدرك فرد رشيد في مصر أن التعليم هو الأمل الوحيد المتبقي؟ -بفرض أنه هناك امل باقي!-.

ساعود إلي وحدتي العسكرية -متقوقعاً علي نفسي- متابعاً لما يحدث في الخارج ، يصاحبني نفس (الغل) الشديد لما يحدث في الخارج ومردداً العبارة الشهيرة: "آه ياقلل!"

حكمة اليوم

2008-06-27T15:22:00.002+03:00

الحكمة التي تـُعبر عن الجيش المصري:

ماتبقاش زي الديب العلق ، لا بتعض الناس ولا بتسيبهم يعدوا!

تساؤلات ما قبل المحرقة؟

2008-04-18T16:44:00.003+02:00

إمبارح كان يوم حافل جداً..

في البداية حدثت ما يشبه المعجزة وأفلت من كارثة ضابط الإحتياط في إستحضار لعدالة السماء التي تهبط علي إستاد الهايكستب -بدلاً من إستاد باليرمو-* .. في المساء حضرت فرح قريب من الدرجة الثانية في فندق من فنادق الخمس نجوم في القاهرة الجديدة.. أنا مش فقري والله وبحب أفرح وأروق نفسي بس إندهشت من نفسي بعد فترة لما حسيت بالغم في وسط فرح 5 نجوم ميزانيته لا تقل عن ربع مليون جنيه بأي حال من الأحوال!

البلد دي رايحة علي فين؟.. ما بين إضراب 6 إبريل ومظاهرات عمال المحلة اللي بتطالب بحد أدني من الأجور يساوي 1200 جنيه لإسرة لاتقل عن 5 أفراد إلي فرح مدته اربع ساعات تكفي لإعاشة 20 أسرة من من عمال ا غزل المحلة سنة كاملة..

أنا رايح الجيش بس عارف إنها هاتبقي من أسود فترات حياتي وعارف كويس أني بعد ما هاخلص هاسيب البلد وماشي وآلاف زيي هايعملوا كده وأغلبهم مهندسين ودكاترة ومؤهلات عليا..
المدونة ستشهد حالة خمول لمدة حوالي شهرين لحين العودة لكن ما زال السؤال يابني آدمين:

إحنا رايحين علي فين؟

*العبارة التي فتح الله بها علي "محمود بكر" فس ماتش مصر وهولندا في كاس العالم سنة 1990..

2008-04-12T17:52:00.001+02:00

مخلوق رافض للنصح والعمر بقيسه بسهري

تغيير..

2008-04-09T07:01:00.004+02:00

أشعب المصري..

2008-04-08T08:45:00.007+02:00

كان لحوحاً كذبابة.. شرهاً كضبع يجوس خلال المقابر..طماع مثل....؟
وهال هناك أطمع من "أشعب" ؟!
قال دينار ضائع: وجدني "أشعب" في إحدي الطرقات وبدلاً من أن يسأل عن صاحبي إشتري بي قصعة من الفخار ووقف علي باب المسجد وهو يهتف.. من يتعرف علي هذه القصعة!

حدثني "أشعب عن نفسه" قائلاً:
عليكم اللعنة جميعاً..
تتحدثون عن أخبار جشعي ونوادر طمعي وأنتم أكثر نهباً مني ، لا أتطلع إلا للطعام وانتم لا تكفون عن نهش جسدي.. تتحدثون عن كيف مررت بقوم يأكلون فلما سلمت ردوا سلامي بجفاءٍ.. سألتهم: ماذا تأكلون؟
قالوا سماً!
فجلست بينهم وأنا أهتف "الحياة بعدكم حرام"..

بتصرف من كتاب (شخصيات حية من الأغاني) لـ د."محمد المنسي قنديل".

صباح ونوايا..

2008-04-04T08:04:00.003+02:00

صباح أول..

تستيقظ من نومها فجراً لتؤدي صلاة الفجر ثم تعود للنوم مرة أخري وتستيقظ في العاشرة صباحاً.. تبدأ يومها بقراءة سورة الكهف ناويةً عن الإقلاع عن عادتها الليلية التي إكتشفها حبيبها الأول وكان يبررها لها دائماً أنها حاجة طبيعية للإنسان لكن ما أن يختفي هو تعود لها هواجسها القديمة عن الله الذي يترك كل شيء ويهتم بتحريم شهوة طبيعية للإنسان.
"سأقرأ سورة الكهف علي نية التوبة" .. تقول لنفسها وتفتح المصحف وتشرع بالقراءة..

صباح ثان..

لا ينسي أن يستيقظ علي رنات هاتفها المحمول فجراً تذكره بالصلاة.. يشعر بالتكاسل ويغلق المكالمة حسب إتفاقه معها دليلاً علي الإستيقاظ.. يهم بالعودة للنوم مرة أخري كما يفعل في كثير من الأوقات لكنه يفضل القيام حتي يبارك الله له في يومه وييسر له الزواج منها.. كان حبيبها الأول زنديقاً لا يأبه بتلك الأشياء وهو يود ان يكون متديناً علهُ يحتل نفس المكان في قلبها.
ينهض ويدعو الله في صلاته أن يقربها له أكثر وأكثر..

صباح ثالث..

تنهض من نومها بعد صلاة الجمعة كسولة لا تدري ماذا تفعل.. تهم بسؤال أمها عن طعام اليوم لكنها لا تفعل لإحساسها بالملل.. تستمتع بقراءة تعليقات الشباب التي إستطاعت أن تسيل لعابهم بطريقتها الخاصة ومن ثم تشعر بأن الأمر ممل أيضاً..
تنتظر أي حدث جديد ليقضي علي مللها..

صباح رابع..

يستيقظ بعد نوم متقلب صباح الجمعة شاعراً بالملل.. يشرع في تشغيل موسيقاه المفضلة التي يتهكم عليها أخيه كثيراً واصفاً إياه بأنه مخبول..
يتذكر كذلك أنه كان يشغل هذه الموسيقي فجراً وكانت حبيبته السابقة تلومه علي ذلك الفعل منوهاً إياه أن الملائكة تحضر في مثل هذه الأوقات ولكنه لا يأبه كثيراً..
يتذكر ذلك وتعلو شفتيه إبتسامة صغيرة..

100 !

2008-04-04T02:53:00.003+02:00

من خلال البوست المئوي الأول لهذه المدونة لا أجد أفضل من قول الشاعر:

ومن المـُحال بأن ترى أحداً حوى كل الكمال وذاك هو المتعذرُ

كيف تصبح ضابط إحتياط في 16 خطوة!

2008-04-02T06:51:00.001+02:00

أخي المواطن الذكر من مواطني جمهورية مصر العربية نضع أمامك الدليل المرشد لكي تلبس البدلة العسكرية لمدة 3 سنوات بعد إنقضاء دراستك ، وإلتزاماً منا علي الدقة والتخصيص سردنا التالي:

1- إتخانق مع دكتور من دكاترة الكلية في سنة تانية ولا سنة تالتة وخليه يشيـّلك المادة طول ما هو مرزوع في الكلية لغاية ما تمتحن المادة دي في دور سبتمبر.

2- خلص مشروع تخرجك في شهر يوليو وافضل صايع لغاية شهر سبتمبر عشان تمتحن المادة اللي متخانق فيها مع الدكتور وأنت كل يوم بتدعي علي ميتين أم الدكتور وتتمني أن يتخرب بيت أمه بأي مصيبة.

3- يستجيب الله لدعائك -وهي المرة الأولي والأخيرة التي سوف يستجيب لك فيها- ويرحل الدكتور ليعمل في بلاد العلوج وتدخل أنت الإمتحان وتنجح.

4- تنتظر شهادتك النهائية التي سوف تأخذها في شهر نوفمبر وتعلم أن الدكتور العلق مازال موجوداً في الكلية فتدخل مكتبه وأنت تحمل شهادتك و تسب له مية ملة وتأخد بتارك البايت من حوالي 3 سنين وتخرج من مكتبه منتصباً القامة تمشي علي رأي "محمود درويش".

5- تستعلم عن معاد ذهابك للمحرقـــ... احم أقصد الجيش فيقال لك أن بداية التقديم ستكون في شهر يناير.

6- تحاول إستغلال الفرصة في التقديم لعدة شركات للعمل فيها إلي أن يأتي موعدك للجيش ، وبالفعل يتم قبولك في عدة أماكن لكن يظل سؤالهم العتيد: "فين ورقة التأجيل من الجيش؟".

7- تسب الدين للبلد و للشركات ومع ذلك تظل في نفس المسلسل الهزلي بتقديم السيرة الذاتية الخاصة بك لعدة شركات ويقبلونك لكن مع نفس السؤال العتيد.

8- تظل 3 شهور علي هذه الحالة إلي أن تذهب إلي كشف الجيش الطبي لكن يسبقها أساطير كونية في إستخراج شهادات طبية وفيش جنائي و فيش عسكري و تعامل مع حثالة الموظفيين الحكوميين.

9- تبدأ -مثلك مثل كل المصريين- بالبحث عن واسطة تخرجك من الجيش لكن تكتشف الحقيقة المرة أنه لا يخرج من الجيش إلا من له واسطة كبيرة جداً في الخدمة تخرجك طبياً ، لكنهم يقولون لك انهم يستطيعون أن ينزلوك من ضابط إحتياط لمدة 3 سنين إلي مجند يقضي المدة في 14 شهر.

10- تسلم بالأمر وتعطيهم أوراقك وتذهب ليوم إرجاء الجيش الذي يأخذون فيه بعض المواليد عشوائياً لتفاجأ أن دفعتك كلها مطلوبة كضباط إحتياط.

11- تسب الدين للبلد مرة أخري وتتصل بوسطائك الذين يطمئنوك ويعدونك بشرفهم أنك عسكري مجندي ولن تلبس بدلة الضباط ماداموا هم علي قيد الحياة.

12- يتصل بك وسطائك قبل نتيجة إعلان أسماء الضباط ويهنئوك بأنك أصبحت عسكري مجند وتلهث أنت بالشكر والثناء.

13- تتهور وتتصور أن مشاكلك حُلت وتفكر في الإرتباط بفتاتك مادام الأمر كله عبارة عن سنة وترجع إلي الحياة مرة أخري.

14- تذهب إلي أهل فتاتك وتجلس معهم وكلك ثقة في موقفك ووضعك وتبدأ في محاولة الإتفاقات وربط الكلام....إلخ

15- تذهب في يوم إعلان أسماء الضباط لتفاجأ أن اسمك علي رأس القائمة التي ستـُرحل لكلية ضباط الإحتياط فتسب الدين للبلد ولوسطائك ولأقربائهم حتي الدرجة العاشرة ثم تتقبل الأمر بهزلية علي أساس أن الموقف عبثي بدرجة غير متخيلة!

16- تكتب هذه التدوينة ناصحاً إخوانك في الذكورة أن يكونوا مطأطأي الرأس أمام دكاترة الكلية لديهم وأن يكتفوا بالشتيمة العادية لا بسب الدين لأن سب الدين يجلب الفقر وتنصحهم بالشخر بديلاً عنه حتي لا يصابوا بضغط الدم.

إنتظار..

2008-04-01T05:53:00.003+02:00

مرَ القطار سريعاً
كنت أنتظرُ
وإنصرف المسافرون إلي أيامهم
وأنا مازلت أنتظرُ

كان الحنين إلي أشياء غامضةٍ
ينأي ويدنو
فلا النسيان يقصيني
ولا التذكر يدنيني
من امرأة إن مسها قمرٌ
صاحت أنا القمرُ القمرُ

غناء "أميمة خليل" وألحان "مرسيل خليفة" من هنا .

عن الإضراب وسنينه!

2008-03-29T02:29:00.003+02:00

محاولات الإضراب العام في يوم 6 إبريل أعتقد أنها ستكون فاشلة مثل معظم محاولات الإضرابات السابقة.

للأسف هي دي الحقيقة لأن الإضراب اللي بينجح في البلد دي لازم يكون إضراب فئوي تماماً زي إضرابات عمال شركة (غزل المحلة) أو إضرابات موظفي (الضرائب العقارية) ، أما أن يكون الإضراب عام لكل فئات الشعب فإحنا -كمصريين- لم نصل لهذه المرحلة بعد أو تقدر تقول ما عندناش ثقافة المصلحة العامة دي.

الشيء الوحيد اللي ممكن يجمع مصر من إسكندرية لأبوسمبل هو رغيف العيش وده اللي الحكومة عارفه أثره تماماً ، يعني من حوالي أسبوعين كان في مظاهرات علي طريق القاهرة- الفيوم من الفلاحين البسطاء إحتجاجاً علي عدم إستطاعتهم شراء رغيف العيش بعدها بيومين -أو يوم مش متذكر- الرئيس كلف القوات المسلحة إنها تحل المشكلة دي ، الشيء الأغرب فعلاً هو مدي نصاحة النظام في قضية مثل قضية رغيف العيش لأن مصر بإستمرار لديها مخزون من القمح لمدة 6 شهور علي الأقل وده خط أحمر بالنسبة للأمن الغذائي القومي لكن في قضايا تانية -كتير- تجد غباء منقطع النظير.

عمر ابن الخطاب أما كان بيشوف واحد غبي كان بيقول: سبحان الله! رب هذا هو رب عمرو ابن العاص!

إلغوا يوم الجمعة يرحمكم الله!

2008-03-28T11:39:00.004+02:00

قاعد بفقّر قدام الكمبيوتر لمجرد أني ما صليتش الجمعة بقالي أسبوعين ولو عدي الأسبوع التالت ستكون الخناقة الشنيعة بيني وبين أمي!

أمي الحبيبة:
أنا بقالي سنة تقريباً ما دخلتش جامع ولا صليت جمعة لأن الحياة ما تستحملش خطبة جمعة كمان!
أنا بس مش عايز أركبك الهم علي ابنك اللي إنتي ها تعتقدي إن دماغه باظت ومهما حاولت افهمك إني زهقت من حكاية فريق الهلال والصليب دي ها تعتبري كلامي مجرد هرطقة.
هاروح كالعادة أشتري الجرايد وأشرب كوباية التمر هندي المقدس من أخر محل قصب في منطقتي لمجرد أني أمضي الوقت وبعدها أتحجج اني صليت في الزاوية القريبة اللي بتخلص الخطبة في تلت ساعة!

هو وهي (2)

2008-03-28T08:12:00.004+02:00

مشهد 1:

وداع مغلف بأحزان وشجن.
الكثير من الحسرة علي الأهل والوطن وتطلع للمستقبل.
بمجرد أن تبتعد عجلات الطائرة عن أرض مدْرج المطار أتنفس بعمق وألقي بنظرة وداع علي القاهرة.
وصول في جو من الصقيع والغربة والبكارة في آنٍ واحد.

فلاش باك:

- هي: أنت عايز تسافر عشان إيه؟
- هو: عشان أبقي بني آدم.

- هي: تبقي بني آدم إزاي؟
- هو: بني آدم يقدر يعيش.. بني آدم يحس بآدميته بعيد عن هوس الدين والتعصب والجهل وعدم القدرة علي تقبل الأخرين.

- هي: يعني أنت فاكر أن هناك جنة الله في الأرض؟
- هو: لأ طبعا.. بس هناك أما هاشتغل هلاقي نتيجة شغلي.

- هي: طب مش هاترجع!
- هو: مش عارف.. بس كل اللي علي بالي دلوقت أن أي شيء هو أفضل من الحال هنا ، كأن أغنية (ضاق خلقي) لـ "فيروز" إتكتبت ليا أنا.

- هي: هاتتطّبع بطباعهم!
- هو: ما أنا مطّبع بطباعهم تقريباً وأنا هنا! نفسي أتنفس حرية.

- هي: هانرجع تاني لتخيلاتك عن جنة الله في الأرض؟
- هو: هارجع وأقولك -تاني- أي حاجة أحسن من الوضع الحالي.

- هي: مش خايف تندم؟
- هو: أكدب عليكي لو قلت لأ.

رحيل

2008-03-26T01:04:00.002+02:00

لو كان لزاماً علينا الرحيل
كارهك يا وداع ولا بديل
طب ليه تغيب عني
ولا يوم تطمني
ده لما أكون جنبك
يطلع نهار

سامبل من أغنية (رحيل) من ألبوم "منير" الجديد.

عايز أهج!

2008-03-24T05:08:00.002+02:00

كده كتير يا رب!

أنا إتعلمت 17 سنة منهم 6 سنين هندسة كانوا من أرزل سنين حياتي وبعدين تضيع مني 4 فرص شغل ما يتعوضوش عشان قاعد في بيتنا مستني الجيش 7 شهور وبعدين في الأخر أبقي ضابط إحتياط!
لأ كده كتير فعلاً!

حتي البنت اللي ما صدقت لقيتها شكلها هي كمان ها تروح من إيدي ، طول عمري بقول لأمي أنا حياتي مش هنا ، وطول عمرها تقولي أنت براوي!
حتي هي قالت لي أنت مش عايز حاجة من هنا.

أخر ما كان يربطني بهذا الوطن هو إحساس معين بأني مدين له بجزء من حياتي ، لكن دلوقت هأديها زي الشيك اللي كان مؤجل الدفع وبعدها هاكتب مع الوطن مخالصة و كل واحد يروح لحاله!

مش عارف هي اللي جت في وقت غلط ولا أنا اللي جيت في وقت غلط ولا أنا كنت بلعب مع القدر بوكر وطلع في الأخر معاه "رويال فلاش" وأنا طلع معايا "فلاش" بس!

2008-03-16T03:10:00.002+02:00

أهلاً بكُفرٍ يُوحِد بيننا **** ومرحباً بعْد ذلك بجهنمِ

المعلم

2008-02-10T23:03:00.000+02:00

2008-02-02T04:43:00.001+02:00

خلقت لنا الجمال فتنة وقلت لنا :ياعبادي اتقون
وأنت جميل تحب الجمال فكيف عبادك لايعشقون

ابن شبل البغدادي.

إلهي ليس للعشاق ذنب‏
ولكن انت تبلو العاشقينا‏
فتخلق كل ذي وجه جميل‏
به تسبي قلوب الناظرينا‏
وتأمرنا بغض الطرف عنهم‏
كأنك ما خلقت لنا عيونا

شاعر عربي مجهول.

وبعودة أيام المعرض..

2008-02-01T15:45:00.000+02:00

مشترياتي من معرض الكتاب السنة دي كانت كالآتي:

روايات:
1- (الحرافيش)لـ "نجيب محفوظ" - إصدار مكتبة مصر.
2- (بيت من لحم) لـ "يوسف إدريس" - إصدار مكتبة مصر.
3- (قمر علي سمر قند) لـ "محمد المنسي قنديل" - إصدار روايات الهلال.
4- (إنكسار الروح) لـ "محمد المنسي قنديل" - إصدار روايات الهلال.
5- (صالح هيصة) لـ "خيري شلبي" - إصدار روايات الهلال.
6- (منامات عم أحمد السمّاك) لـ "خيري شلبي" - إصدارات روايات الهلال.
7- (العمامة والقبعة) لـ "صنع الله إبراهيم" - إصدار دار المستقبل العربي.
8- (حجر دافيء) لـ "رضوي عاشور" - إصدار دار المستقبل العربي.
9- (بريد بيروت) لـ "حنان الشيخ" - إصدار روايات الهلال.

مسرحيات:
1- (منمنمات تاريخية) لـ "سعد الله ونوس" - إصدار الهلال.

كتب:
1- (الفتنة الكبري) لـ "طه حسين" - إصدار دار المعارف.
2- (بلاد تشيل وبلاد تحط) لـ "محمود السعدني" -إصدار الهلال.
3- (علي باب الله) لـ "محمود السعدني" - إصدار الهلال.
4- (رحلات ابن عطوطة) لـ "محمود السعدني" - إصدار الهلال.
5- (مسافر بلا متاع) لـ "محمود السعدني" - إصدار د الهلال.

ربما أعود بتعليقات علي عدة أعمال منها إما بالنقد أو بالسلب لكن ما لفت نظري - وبشدة- تحذير عامل الكاشير في دار المعارف من كتاب الفتنة الكبري ونصيحته لي بالرجوع إلي كتب "التفاسير" كما أسماها لأن "طه حسين" غير مؤتمن!
عموماً ماردتش عليه وقلت له إسمها كتب التاريخ مش التفاسير عشان وجع الدماغ وساحوال الفراغ منه في أقرب وقت.

كبائن تليفون في السجون

2008-01-13T02:05:00.000+02:00

وزارة الداخلية تعلن عن تركيب كبائن تليفون في السجون و إتاحة الفرصة للمسجون في محادثة أهله مرتين في الشهر!

2008-01-11T02:24:00.000+02:00

في يوم صحيت شاعر براحة وصفا
الهم زال والحزن راح وإختفي
خدني العجب وسألت روحي سؤال
أنا مت؟.. ولا وصلت للفلسفة؟
عجبي!!

أنا أكره العربان

2008-01-10T13:24:00.000+02:00

أنا أعترف أنني أعاني من حالة شوفينية تجاه الخليجيين للأسباب الآتية:

1- شوفينية قديمة يوم كان في مصر مجتمع مدني وقت ما كانوا بيجروا ورا الغنم.

2- النظرة الدونية التي ينظروا بها إلي المصريين و إن كانت يبررها بعض تصرفات المصريين!

3- وده المهم أنهم مجتمع قبلي منغلق لا يستوعب الأخر إلي في حدود البزنس أو العمل ، تعمل لديهم فوق الـ 20 سنة وفي الأخر يقولك أنت مش مواطن! ياخي احا! تضيع عمرك كله هناك ومعتبرك مواطن درجة تانية .. اي دولة من كوكب هونولولو يمكن أن تعاملك كمواطن من ابنائها بعد ما لا يزيد عن 5 سنوات اقامة شرعية.

وبناءً عليه لست من المفتونين تماماً بالخليج ولكني معترف اني مفتون بنقوده وأي فرصة عمل محترمة هاروح هناك عشان أجمع فلوس زي المثل اللي بيقول ان كان لك عند الناس الحلوة حاجة!
أيوة بكره البلد عشان فيها بلاوي كتير بس يجي واحد يتنطط عليا من برة ومايسواش في سوق البشر 3 مليم يبقي مالوش عندي إلا الكلام ده!

الأصل في الأشياء

2008-01-07T00:54:00.000+02:00

أنا: من كام يوم واحدة بتسأل خالد الجندي أن جوزها متجوز عليها وعايز يعاشرهما في نفس السرير!
هي: عادي.. ماهو الأصل في الأشياء القباحة!

Forrest Gump

2008-01-06T16:54:00.000+02:00

شكراً فورست لأنك قادر علي غسل روحي مهما كانت عدد المرات التي شاهدتك فيها..

مجنون

2008-01-05T13:51:00.000+02:00

مجنون مجنون وجنوني بإختياري
بصرغ بعلو صوتي ياعواصم إنهاري
عواصم ما فيش مافيش
مافيش جوازات سفر
حدود ما فيش مافيش سدود بين البشر
وهو ده جنوني

مافيش شمال وجنوب
جنسيتك قلبك
قوم يالا حب ودوب
والدنيا هاتحبك
إلغي خطوط الطول
إمسح خطوط العرض
أبيض ما فيش أسود ما فيش
كلنا بنام في الأرض

مجنون بحب البشر
مجنون بحب الناس
مجنون لأني ما فقدتش الإحساس

وسط البلد 2008.. للإستماع من هنا ..

بالأمس حلمت بك

2008-01-01T08:24:00.000+02:00

عقلي الباطن اللعين ما زال مصر علي أنها موجودة في حياتي..

أقنعت نفسي في لحظات اليقظة أن كل شيء إنتهي وأنه لم يكن في الإمكان أفضل مما كان ، لكن في عالم الأحلام كانت زائرة دائمة لأحلامي..

دائماً ما تزورني في احلامي بصفة مستديمة ، دائماً ما تظهر في أحلامي كل اللحظات السعيدة التي قضيتها معها طوال 5 سنين كاملة.. حتي بعد أن أقنعت عقلي الباطن أن يكف عن هذه الألعاب فإنه -المرواغ- أعطاني مهلة مزيفة إلي أن أستيقظت اليوم علي أنغام أغنية "أغنية أنا لحبيبي" لفيروز! بدل ما يوقظني علي أنغام "لا إنت حبيبي ولا ربينا سوا"! ..

* العنوان مقتبس من تدوينة لـ عايشة وخلاص التي بدورها مقتبسة من مجموعة قصصية لبهاء طاهر.

الوريث

2007-12-31T02:51:00.000+02:00

جاري في العمارة اللي ساكن فيها قرر الزواج علي مراته!
لحد هنا عادي ، في ناس كتير بتتطخ في نافوخها وتجيب لنفسها وجع القلب من جديد ، لكن غير العادي أن تعرف خلفية هذا الرجل..

الرجل مهندس بترول من أصول صعيدية ، لكنه علي درجة جيدة من الثقافة ، يتقن لغتين علي الأقل وكذلك جاب العالم تقريباً أخرها 3 أشهر في بلاد العلوج الأمريكان للإطلاع علي أحدث تكنولوجيا البحث عن البترول ، ما يثير إندهاشي بجانب خلفيته هذه أنه يريد الزواج من أخري ليس لفراغة عين! بل لمجرد إنجاب الذكر والوريث الشرعي!

حتي الآن لا أفهم كيف لم تستطع الحضارة أن تصنفر دماغه؟!
والأنكي انه يقول أن الله أتاح له الزواج من أربع!
ماذنب المسكينة زوجته وبنتيه الصغيرتين ، هل الله يأمره أيضاً أن الولد أفضل من بنتيه؟!

ما زلت أردد أن (الأخلاق سبقت الأديان)!

جوبا - حينما يكون الإستسهال هو سيد اللعبة

2007-12-30T02:15:00.001+02:00

الطريق إلي الجحيم مفروش بالنوايا الحسنة!

شاب مصري هارب من حياته في مصر يتحول إلي بطل في فلسطين.. اعتقد أن الفيلم يشترك في نفس الخط مع سابقه "اصحاب ولا بيزنس" مع الفارق للأول عن الثاني.

ملاحظات علي الفيلم - ويمكن أن تسميها إنتقادات-:

1- السيناريو به تطويل ومط غير طبيعي..لا أعلم ما فائدة أول 45 دقيقة في الفيلم إلا أني أشاهد فيلم تسجيلي عن تركيا ومعلومات قليلة جداً يمكن سردها في أقل من 5 دقائق.

2- مشهد المطاردة في بداية الفيلم جيد وإن كان هناك تطويل شديد لوقت المطاردة ..5 دقائق كاملة من المطاردة علي الشاشة وقت لا يستطيع أحد تحمله.

3-داليا البحيري كنت أكرهها قبل الفيلم وزادت كراهيتي لها!

4- هناك أخطاء شنيعة في اللهجة الفلسطينية ، لا أعلم كمحاولة لجعل الجمهور قريب من اللغة ويستطيع فهمها أم مجرد إستسهال!

5- "غسان مسعود": ظلمت نفسك بشدة بهذا الإختيار ..من يراك في "Kingdom of Heaven" لا يراك هنا أبداً..

6-مازلت مغرم بنموذج الفتاة المناضلة ، فتيات حركة فتح في السبعينات اللائي يقدسون الوطن عن أي شيء أخر للأسف لم يعدن موجودات علي الساحة الآن.

7- الفلسطينيون في حياتهم العادية لا يستخدمون الكوفية بمثل هذه الكثافة .، كأن العمة الصعيدي أصبحت زياً رسمياً للمصريين!

8- لا يوجد مقاومة بمثل هذه السذاجة التي يستطيع جوبا أن يتصل بأحد زعمائها بمثل هذه البساطة.

9- النهاية رومانتيكية للغاية ولكنها جديرة بالإحترام.

"مصطفي شعبان" : عد إلي أدوار الرجل الثاني فهي مصدر قوتك إلي أن تجد السيناريو والمخرج الذي يستطيع أن يجعل منك نجم شباك ، تذكر دورك في "مافيا، وتذكر كيف سرقت الكاميرا من "احمد السقا"..

عصابة حمادة وتوتو!

2007-12-29T02:35:00.000+02:00

هنا يقول أبوزيد الهلالي سلامة
وعينيه ونضارته يطقو شرار
أنا هازم الستات ملبسهم الطرح
أنا هادم السينما علي الزوار
أنا الشمس لو تطلع أقول إنها قمر
ولو حد عارض..يبقي من الكفار
ويا داهية دقي لو أقول ده فلان كفر
جزاءه الوحيد الرجم بالأحجار
فأحسنلكم قولوا (آمين) بعد كلمتي
ولو قلت الجمبري ده خضار!

صلاح جاهين

قل للمليحة

2007-12-27T02:53:00.000+02:00

قُل للمليحة في الخمار الأسودِ
ماذا فعلتِ بزاهد متعبدِ
قد كان شَمَّر للصلاة ثيابهِ
حين قعدتِ له بباب المسجدِ
رُدي عليهِ صلاتهِ وصيامهِ
لا تقتليهِ بحق دين محمدِ

"ربيعة بن عامر" وغنت كمقدمة لقدّ حلبيّ..

هو وهي (1)

2007-12-25T22:15:00.001+02:00

هو: أنا بكره قناة الناس دي ولو معايا قاذفة صورايخ أكيد هابقي عارف هاوجهها فين.
هي: بتهاجم المشايخ انت والعلمانيين اللي زيك!

هو: مش العلمانين دول هما اللي بيحاولوا أن يخلوا البلد دي تسع لكل الناس؟.. ثم لو دخلنا في تعريف العلمانين هانقعد من هنا للصبح! ثم تعالي هنا! مين اللي كان بيدافع عن "عماد الكبير" ؟.. مش كان الناس دي وراه وسط ماكان البلاوي السودة بيكلموني عن الفقه والعقيدة!
هي: هما ما بيعملوش ده عشان الدين .. دول عشان حقوق الإنسان.

هو: يعني هي حقوق الإنسان دي مش أساسيات الإسلام؟
هي: أنا مالييش دعوة بكل اللي بتقوله ده .. البلد مش هاتتصلح إلا لو كل الناس رجعت لربنا.

هو: طب واللي مش عايز يرجع؟ نضربه بالكرباج؟
هي: مش عارفة.. بس الاسلام لازم يتطبق.

هو: عارفة الفرق بيني وبينك إيه؟.. أنا بدور علي الحقيقة ، وانتي متأكدة من الحقيقة بتاعتك ..كل واحد ينام ع الجنب اللي يريحه بقي.
هي: يعني انت عايزة تعيد إختراع العجلة؟

هو: لا.. بس نبي الله "إبراهيم" كان عنده شك حتي بعد نزول الوحي وحط الطير علي قمة كل جبل عشان يتأكد!
هي: يعني أنت هاتجيب نفسك زي سيدنا "إبراهيم"؟

هو: ياريتني كنت نبي ..كنت عرفت!

أيام زمان

2007-12-10T03:16:00.000+02:00

كل ده كان ليه؟"
لما شفت عينيه..
حن قلبي إليه
وإنشغلت عليه
كل ده كان ليه؟"

علي أنغام أغنية (كل ده كان ليه) لمحمد عبدالوهاب حبيت أني أكتب خواطر مبعثرة..

الأغنية لا تسمع إلا من الراديو ، الشوشرة الاستاتيكية المصاحبة لبث الـ AM أو الـMW لا تضاهيها متعة ثانية. الناس زمان كانت رايقة أوي .. العبارة مبتذلة من كتر ما إتكررت بس دي فعلاً حقيقة ، ما كانش في شيء بيشغل الواحد بالدرجة الشنيعة اللي احنا فيها دلوقت ..

يعني البني آدم كان يتخرج يلاقي ضغله ويتجوز أو يحب ببساطة ، ما يطلعلوش واحد يقوله (الإسلام هو الحل) أو ( حجابك يا إختي) .. كل واحد في حاله وفي هدوء نفسي.

ماكانش الواحد منهم بيفكر في الكورسات اللي لازم ياخدها عشان يطور نفسه ولا في دماغه إزاي يحسن الـ Communication Skills بتاعته ولا بيفكر في كورس الـ British Council أو الـ AUC ، بيرجع من الشغل بعد الضهر يتغدي ويقيل ويشرب شاي المغربية بمنتهي الروقان..يالله!

ماكانش في موبيل ولا دش ولا أخبار طافحة طول النهار ، الراديو كان كل خميس من كل شهر تسمع الست "ام كلثوم" ويسلام لو خروجة ساعة العصاري علي الكورنيش مع حبيبة القلب تاكلك كوزين درة ، تبقي فرجت!

أنا مش بعاني من الحقد علي زمانهم ، بس الحياة بقت ضاغطة جداً علي الواحد ، أي واحد عايز يحسن نفسه لازم يدخل معمعة .. لا زم يانم وهو في دماغه مليون حاجة لازم يعملها وبرضه مليون حاجة لازم يبطل يعملها !
لو خيروني أني أرجع لزمنهم هارجع! .. علي الأقل مش هابقي عارف أني في زمن رايق -بيضحك عليا الملك أو عبدالناصر- وهاعيش في هدوء زي كل الناس..

شكراً ياعم "عبدالوهاب" في تربتك أنك رجعتلي جزء من روقان زمان..

تاكسي خالد الخميسي

2007-12-07T17:10:00.000+02:00

إقتباسان أضحكاني بشدة من العمل الأخير لخالد الخميسي ( تاكسي .. حواديت المشاوير)

"اللي ما تسجنش في عهد عبدالناصر مش ها يستجن أبداً ..واللي ما غتناش في فترة السادات مش ها يغتني أبداً.. واللي ما شحتش في فترة مبارك مش ها يشحت تاني أبداً!"

"بيقولك الإقتصاد المصري زي لباس المومس ، كل ما ترفعه ينزل تاني!"

عمل يستحق القراءة ..

هيّ فوضي؟!

2007-12-05T16:24:00.000+02:00

طبخة حلوة ناقصها شوية ملح!
هو ده الإنطباع الأول اللي خرجت بيه أول ما خرجت من الفيلم.

يوسف شاهين أو -بالأحري تلميذه- خالد يوسف يحاولا أن يقدما فيلم جيد من الناحية السينمائية لكن جيد أيضاً من الناحية التجارية ، واعتقد ان وجود خالد يوسف هو الذي أدي للتوازن التجاري لأن شاهين لم يهتم كثيراً بالجانب التجاري في معظم أفلامه علي مدار تاريخه الطويل.

الفيلم يمكن أن نمثله في عدة دوائر متحدة المركز بداية من الدائرة الكبري وهي المواجهة بين الشعب والشرطة ، مروراً بالخلاف -النظري أو العملي- بين رجل القانون ورجل الشرطة متمثلاً في "شريف" وكيل النيابة و "حاتم" أمين الشرطة الفاسد ، إلي أن تضيق الدائرة أكثر حول الأم "وداد" اليسارية السابقة التي تحب "نور" المدرسة التي تعمل عندها في المدرسة والتي بدورها تحب "شريف" وتكتمل الدائرة بحب "حاتم " المرضي لنور.

لدي عدي ملاحظات علي الفيلم وهي :
1-عدم منطقية حب "شريف" لـ "سيلفي" ثم تركها ببساطة بعد إجهاضها! يعني السيناريو في الأساس ما بّينش ليه هو إرتبط بيها في البداية!

2-إذا أغفلنا النقطة الأولي وإنفصال "شريف" عن "سيلفي" فسوف تجد أن وقوع "شريف" في حب "نور" بعدها مباشرة كانت عشان المخرج عايز كده!

3-كيف يستطيع وكيل نيابة شاب أن يركب سيارة جيب شيروكي وهو في مقتبل عمره؟!
سيبك أساساً أن هالة صدقي "وداد" طول الوقت شعرها في الكوافير وبتجيب لـ "نور" هدية علي سبيل الحنّية ، ماهو برضه هي في الأخر ناظرة مدرسة وما عندهاش إلا مرتبها ، أعتقد علي الأقل كان المفروض نوضح انهم عيلة غنية حبتين.

4-خالد صالح كان أكثر من رائع في مشهد مصارحة منة شلبي بأنه غلبان وطول عمره وحيد ، ربما كانت لفتة من كاتب السيناريو أن "حاتم" إنسان في النهاية!

5- مشهد الثورة الشعبية علي القسم أظن أنها ممكنة الحدوث لكن ليست بالصورة الجماهيرية التي صورها خالد يوسف ، حسيت أنه رجع لمشهد مظاهرات حرب الخليج التانية سنة 90 في فيلمه الأول "العاصفة".

6- طلعت من ضحكة عالية جداً في المشهد اللي بيطلع فيه "شريف" المتهم شريك "حاتم" من الزنزانة السرية وبيقول للمأمور:
"مين ده يا حضرة المأمور؟ جوز أمك؟!"
كانت في الجون الصراحة!

أقوال غير مأثورة (3)

2007-11-27T02:11:00.000+02:00

جاهليتنا ستبقي معنا ، يبدو أننا أمة لا يجدي معها الأنبياء!
مجهول

تعلمت معك ان أكتفي بالأحلام!
عايشة وخلاص

سيادة الرئيس، أنت تعلم كم نحبك، لكن تذكر بأن هؤلاء يعبدون إلها غير ما نعبد: إنهم يعبدون الكرامة !
صديق لي

الدنيا زي الاستميشن ، تبقي حاسب لماتك كويس اوي ويجي واحد ابن ستين في سبعين يخليك تحرق كارت ان محتاجله حقيقي!
أنا وماشي مع صديق علي كورنيش الاسكندرية

عنوان شخصي

2007-11-13T05:07:00.000+02:00

أنا حفيد آدم
الذي رأي
وأشتهي
وعصي
ولم يتب بعد!

يا خيّ قول لأمي ولا تقول لأبويا

2007-11-04T01:56:00.000+02:00

ياخيّ قول لأمي ولا تقول لأبويا
وإثنين عدوين ناويين عليا
وآه آه يا وعدي
وعين عين عليا

مكادي نحاس - مغنية إردنية.
الأغنية من الفلكلور الأردني.
مش عارف أوصف الصوت ده إزاي ، بس لازم تسمعوها ومش هاتندموا أبدا..ً
من هنا

احا يابومتعب!

2007-11-02T01:10:00.000+02:00

علي خلفية زيارة الملك عبدلله لبريطانيا ولقاءه بالطلبة المبعوثين للدراسة هنا.
الراجل ده عنده فوائض مالية في السنتين اللي فاتوا 120 ألف مليون دولار من عوائد إرتفاع البترول ، ياتري عمل بيهم إيه؟
لهف في جيبه 20% والباقي تقريباً إشتري بيه سلاح عشان يتكهن جنب السلاح القديم ، السعودية تقريباً تنفق أكتر من نصف دخلها القومي علي شراء السلاح متفوقة علي الولايات المتحدة نفسها في نسبة الدخل القومي المخصص للدفاع.

صحيح ؛ يدي الحلق للي بلا ودان!

I Love This Film

2007-11-01T00:26:00.000+02:00

مش عارف ليه جاي علي بالي اليومين دول مشهد آل باتشينو وهو بيدافع عن صديقه في قاعة المدرسة ، الحق أن آل في هذا المشهد كان يجمع بين الغضب والسخرية بمزيج ساحر مش عارف جابه منين!

الخلاصة آل باتشينو أضاف لأوسكار بهذا الفيلم..

الحياة مع الجانب الرمادي

2007-10-31T03:23:00.000+02:00

من شاهد الفيلم يدرك تماماً ما أتحدث عنه.
إزاي تقدر تعيش مع جانب سلبي في حياتك وتقدر تتكيف عليه وتحيده وتتفوق فيما بعد..

البروفسير جون ناش مصاب بإنفصام شخصية يجعل 3 أشخاص ملازمين له علي الدوام ، هؤلاء الأشخاص من نسج خياله الشخصي - وفي مرحلة متقدمة من الفيلم يعرف أنهم غير حقيقين - ، لكنه يستطيع أن يتجاهلهم لمدة تقترب من الـ 30 عام إلي أن يحصل علي جائزة نوبل . قصة الفيلم ماخوذة من قصة حقيقية فاز صاحبها بجائزة نوبل عام 1994.

من منا يستطيع أن يتعايش مع جانبه الرمادي ويحيده ويشق طريق نجاحه؟
من منا من ليس به عيب يعتبر أقل شدة من جون ناش ولا يستطيع أن يعزله منطقته الرمادية عن بقية حياته؟
حاولت قبل ذلك أن أفعل هذا ولم أستطع ، ولكن ربما يكون الفيلم دافعاً قوياً لإعادة شحن البطاريات والمحاولة من جديد!

فنيتو!

2007-10-30T15:10:00.000+02:00

في هذه اللحظات الحاسمة من تاريخ أمتنا المجيدة:
أخيراً إتخرجت وأصبح من حقي أن أقول بمنتهي الألاطة "أنا المهندس مع نفسه علي سن ورمح"!
ورقصني يا جدع ..

Jennifer Connelly

2007-10-27T08:18:00.000+02:00

ساعات الجمال بيوجع!

إهداء 3

2007-10-25T07:09:00.000+02:00

إليها:
قد تغدو امرأة ياولدي يهواها القلب هي الدنيا..

بينسوا

2007-10-24T19:03:00.000+02:00

بينسوا يا قلبي
حبايب بينسوا
بينسوا يا قلبي
ويقسوا يا قلبي
حبايب ويقسوا
بيقسوا ياقلبي
ونغلب نسامح
ونغلب نصالح
وأنا وانت ياقلبي
دايب بيسند في دايب

حبايب ولكن
قلوب العوازل
بتبعدنا عنهم
حبايب وساكن هواهم معانا
وبنقاسي منهم
ومرة ومية
بننسي الأسية
ما بينا وما بينهم
ويجوا علينا
يبكوا عنينا
وتضحك عيونهم
ونغلب نسامح
ونغلب نصالح
وأنا وانت ياقلبي
دايب بيسند في دايب

هوانا وشجونه
بيحكم علينا
نحن لماضينا
ودول لو يهونوا
ما كنا انتهينا
خلصنا ورضينا
لكن دي العواطف
عزيزة علينا
ولا هي بإيدينا
وفين راح نصادف
حبايب نلاقي قلوبهم علينا
غلبنا نسامح
غلبنا نصالح
وانا وانت ياقلبي
دايب بيسند في دايب

واحدة من أروع اغاني لطيفة..

كلمات "عبدالوهاب محمد"
ألحان "كاظم الساهر"
غناء صاحبة الصوت الرائع "لطيفة"

حمل من هنا

إستفسار

2007-10-23T03:07:00.001+02:00

حد رايح حفلة منير اللي في الـ GUC يوم الخميس اللي جاي؟

حكمة اليوم

2007-10-22T16:17:00.000+02:00

أسوأ ما في المتدينين أنهم يسامحون المخطئين ولا يسامحون المفكرين!

جواز صالونات

2007-10-22T04:40:00.001+02:00

أختي متقدملها عريس جواز صالونات تقليدي ، بصراحة أنا مش داخل دماغي وماما بدأت في تراث الأمهات المصريات علي غرار ادي لنفسك فرصة وبلاش تتبطري علي حد ، لحد هنا عادي لكن اللي غاظني بجد بابا يقولها ده حافظ القرآن ودي ميزة قليلة في شباب اليومين دول !

ليه كده يا حاج؟

الظاهر ان النظام اليومين دول جمع النقط تكسب عريس!

شرم برم

2007-10-21T14:59:00.000+02:00

شرم برم
حالي غلبان
شرم برم
حالي تعبان

دنيا غرورة وكذابة
لكن جميلة وجذابة
مجاريح ونعشقها صبابة
ادينا وادي حالي الانسان

مجنونة خالص ترللي
بكلمة تعزل وتولي
وفي لحظة تاخد ما تخلي
آمان آمان ياللي آمان

دلوعة ماشية بتتغندر
بين الامام والشهبندر
والغاوي قاعد يستنظر
حب العزيز يطرح رمان

ياحلم يا جناح المساكين
يا وعد من ورد البساتين
ملايين ربيع رايحين جايين
والكون حزين من غير ألوان

كلمات "الفاجومي"
ألحان "فاروق الشرنوبي"
غناء "منير"

مسرحية الملك هو الملك
أضغط هنا للإستماع

حكمة اليوم

2007-10-21T02:30:00.000+02:00

لكل داءٍ دواء يستطب به إلا الحماقة أعيت من يداويها!

خايف وحاسس بالخطر

2007-10-19T19:04:00.000+02:00

بره الشبابيك غيوم
بره الشبابيك مطر
مالي خايف كده وحاسس بالخطر؟

ده حزن ولا وتر؟
ده قلب ولا حجر؟
ده دمع ولا مطر؟
أنا خايف خايف خايف وحاسس بالخطر

أخر مرة ما سيبتك
كتمت الشكوي ليه؟
مش كان أحسن حاسبتك
وعرفت القصة أيه؟
لكن ما حاسبتكيش
وقلت لك ما فيش
لأنك يا حبيبتي أمرك ما يهمنيش

أنا خايف من داء فيا
م الشكوي المدارية
بالذات الليلة ديا
تحت الغيم والمطر

هذيان الحمي

2007-10-18T11:01:00.000+02:00

كحلم ليلة صيفية منعشة أتت ثم رحلت ، عندما عدت إلي المنزل أفقت علي فكرة ذهابها ، لتوها أكتشفت أنني في ليلة خريفية حارة بدلاً من زخات عطرها المنعش.

كل ما أعرفه عن نفسي الآن أنني أصابتني الحمي و سأفعل أي شيء للرجوع لهذا الحلم ، لترحمني الألهة وتتضرع لي الملائكة!

حكمة اليوم

2007-10-18T10:50:00.000+02:00

الحقيقة ما كان نقيضها -هو أيضاً- حقيقة.

أوسكار وايلد

شعور بالهزيمة

2007-10-17T10:27:00.000+02:00

يحكي أن انطونيوس في آخر لحظاته كان يسمع فرقة موسيقية قادمة من بعيد لتحيّهِ علي إنتصاره ، لكن مالبث الصوت أن تخافت شيئاً فشيئاً إلي أن أختفي ..

مالم يعرفه أنطونيوس أن الفرقة الموسيقية إستدارت وعدلت إتجاهها إلي غريمه أوكتافيوس المنتصر أما أنا فأعرف !

التدوين ع اللي بيدونوه!

2007-03-30T08:24:00.001+02:00

تاني تاني تاني..
راجعين للهم تاني..

يعد أجازة نسبية من التدوين أعود مرة أخري، في الحقيقة أنا متابع جيد لناس معينة معظمهم في السايد بار الخاص بالبلوج واخص بالذكر الأخت المناضلة (عايشة وخلاص) :P ، وإبليس باشا أفندي ، وأراجوز أبو بوز، والرأفتاني الاسكندراني الأمريكاني العترة :)

تقرير سري جدا من بلاد قمعستان

2007-03-30T08:02:00.000+02:00

لم يبق فيهم لا ابو بكر .. ولا عثمان
جميعهم هياكل عظمية في متحف الزمان
تساقط الفرسان عن سروجهم
واعلنت دويلة الخصيان
واعتقل المؤذنون في بيوتهم
والغي الاذان...
جميعهم .. تضخمت اثدائهم
واصبحوا نسوان
جميعهم يأتيهم الحيض ومشغولون بالحمل
وبالرضاعة...
جميعهم قد ذبحوا خيولهم
وارتهنوا سيوفهم
وقدموا نساءهم هدية لقائد الرومان

هل تعرفون من انا
مواطن يسكن في دولة (قمعستان)
وهذه الدولة ليست نكتة مصرية
او صورة منقولة عن كتب البديع والبيان
فأرض (قمعستان) جاء ذكرها
في معجم البلدان ...
وان من اهم صادراتها
حقائبا جلدية
مصنوعة من جسد الانسان
الله ... يا زمان ...

هل تطلبون نبذة صغيرة عن ارض (قمعستان)
تلك التي تمتد من شمال افريقيا
الى بلاد نفطستان
تلك التي تمتد من شواطئ القهر الى شواطئ
القتل
الى شواطئ السحل, الى شواطئ الاحزان ..
وسيفها يمتد بين مدخل الشريان والشريان
ملوكها يقرفصون فوق رقبة الشعوب بالوراثة
ويكرهون الورق الابيض, والمداد, والاقلام بالوراثة
واول البنود في دستورها:
يقضي بأن تلغى غريزة الكلام في الانسان
الله ... يا زمان ...

هل تعرفون من انا؟
مواطن يسكن في دولة (قمعستان)
مواطن...
يحلم في يوم من الايام ان يصبح في مرتبة الحيوان
مواطن يخاف ان يجلس في المقهى .. لكي
لا تطلع الدولة من غياهب الفنجان
مواطن ان يخاف ان يقرب زوجته
قبيل ان تراقب المباحث المكان
مواطن انا من شعب قمعستان
اخاف ان ادخل اي مسجد
كي لا يقال اني رجل يمارس الايمان
كي لا يقول المخبر السري:
اني كنت اتلو سورة الرحمن
الله ... يا زمان ...

هل تعرفون الان ما دولة (قمعستان)؟
تلك التي الفها .. لحنها ..
اخرجها للشيطان
هل تعرفون هذه الدويلة العجيبة؟
حيث دخول المرء للمرحاض يحتاج الى قرار
والشمس كي تطلع تحتاج الى قرار
والديك كي يصبيح يحتاج الى قرار
ورغبة الزوجين في الانجاب
تحتاج الى قرار
وشعر من احبها
يمنعه الشرطي ان يطير في الريح
بلا قرار

ما اردأ الاحوال في دولة (قمعستان)
حيث الذكور نسخة من النساء
حيث النساء نسخة من الذكور
حيث التراب يكره البذور
وحيث كل طائر يخاف بقية الطيور
وصاحب القرار يحتاج الى قرار
تلك هي الاحوال في دولة (قمعستان)
الله ... يا زمان ...

من قصيدة (تقرير سري جداً من بلاد قمعستان) للعبقري "نزار قباني" بتصرف..

إهداء 3

2007-01-04T15:55:00.000+02:00

لا تأسف على غدر الزمان لطالما رقصت على جثث الأسود كلاب
لا تحسبن برقصها تعلو على أسيادها فالأسد أسد والكلاب كلاب

إهداء 2

2006-12-26T11:18:00.000+02:00

تعلن خطوط أبولهب الجوية عن قيام رحلتها المتجهة إلي جهنم فعلي السادة الكفار سرعة التوجه إلي بوابات الخروج ..

إهداء 1

2006-12-26T10:48:00.000+02:00

أنا مش كافر
بس الجوع كافر
أنا مش كافر
بس المرض كافر
أنا مش كافر
بس الفقر كافر
والذل كافر
أنا مش كافر
لكن شو بعملك إذا إجتمعو فيا كل الإشيا الكافرة

ياللي بيصلي الأحد وياللي بيصلي الجمعة
وقاعد يفلح فينا علي طول الجمعة
هو ياللي ديّن قال
وانا ياللي كافر عاد
راجعوا الكتب السماوية
راجعوا كلامي الهادر

أنا مش كافر
بس البلد كافر
انا مئبور ببيتي ومش قادر أهاجر
وعم تاكلي اللئمة بتمي
وأكلك إدامك ياعمي
وإذا بكفر بتقلي كافر
معمم علي الدول الغربية ومبلغ كل المخافر

انا مش كافر
هيذا انت الكافر
انا مش كافر
مادام انت الكافر
انا مش كافر
قلنا مين الكافر
وعرفوا مين الكافر
انا مش كافر
متل ماعم اقلك
عم بتحطها فيا كونك شيخ الكافرين

حمل من هنا

معذبتي

2006-12-01T08:55:00.000+02:00

جاءت معذبتي
في غيهب الغسق
كأنها الكوكب الدري في الأفق
فقلت نورتني ياخير زائرة أما خشيت من الحراس في الطرق؟
فجاوبتني ودمع العين يسبقها: من يركب البحر لا يخشي من الغرق..

عصر البركة !

2006-10-11T15:38:00.000+02:00

- الدكتور : هانتكلم النهاردة عن واحدة من تطبيقات الرؤية بالكمبيوتر ( Computer Vision ) وهو استخدام الكمبيوتر في مساعدة الانسان في سواقة المركبات زي العربيات ..

- أنا : كمان بيستخدموه في سواقة القطر .

- شخص من ورايا -كان نايم وصحي - : القطرة (المرادف العامي لقطارات) بتاعتنا للموت بس .

- الدكتور : بتقوله ايه يابني انت مش كفاية نايم !

- أنا : بيقولي القطرة بتاعتنا للموت بس

- هو : القطرة بتاعتنا ماشية بالبركة .

- انا : ماهي دي نوع من انواع التكنولوجيا برضه يا دكتور !

ضحك متواصل

ميج لا تُفْطر في رمضان !

2006-10-10T14:10:00.000+02:00

آه من كيوبيد !

2006-10-08T01:55:00.000+02:00

سؤال إستفتاحي : جواز = سعادة ؟ حب (فقط) = تعاسة ؟

ده الشيء العجيب اللي انا مندهش منه ، تلاقيه او تلاقيها -البنت في أغلب الأوقات - كل هدفها هو الجواز ! ، طب هو الجوزا ده مش ليه اساسيات ؟ ، تقولك لأ ، الجواز الأول وبعدين كل حاجة تتحل ! ، أفرض انه نظام حياته غيرها ، افرض انه حتي عاداتها مختلفة ؟
تقولي طب حبوا بعض إزاي ؟
أقولك الحب ده كميا عجيبة ما تقدرش تعرف هو بيجي امتي وإزاي وليه ؟ ، فجأة تلاقي نفسك هوب بتحب فلانة ، طب فلان ده فوضوي !
برضه بتحبه رغم انها اقرب واحدة للإلتزام !
طب فلانة دي مدلعة ولا دريانة بالدنيا حواليها !
بحبها أعمل إيه يأخي !

طب يامولانا وياستنا : اما تيجوا تتجوزا هاتعملوا إيه ، تفتكر الحب ده ها يخليك تتغاضي عن انه مثلاً بيشرب خمور ، ولا هو ها يتغاضي عن انها مش حاسة انه طلعان ميتين اللي جابوه في الشغل وهي مرفهه ؟
هاتستحمل وهاتسحملي اد ايه ؟
سنة ؟
إتين ؟
خمسة ؟
وبعدين هوب الإنفجار ، وتيجي تلاقي الناس تقول : دول واخدين بعض عن حب ، دول ما كانش حد زيهم !

"الحب لا يساوي السعادة" ، قناعة بقت موجودة عندي ، بالعكس انت يمكن من مصلحتك انك تحب من بعيد لبعيد لأن القرب هو البوابة الملكية للمشاكل ، زي لوح الفنان المرسومة بألوان زيتيه ، من بعيد جميلة ، تقرب تلاقيها كلها تجاعيد ولخبطة ألوان !

قول يا عم شاهين

2006-10-03T03:46:00.000+02:00

أنا اللي بالأمر المحال إغتوي ..

شفت القمر نطيت لفوق في الهوا ..

طولته ما طلتوش إيه انا يهمّني ؟

وليه ؟

مادام بالنشوة قلبي ارتوي ..

عجبي !

ساهم بمعرفتك

2006-09-27T15:48:00.000+02:00

ساهم بمعرفتك و خصص جزء من وقتك للعمل العام
التفاصيل من هنا

أقوال غير مأثورة (2) !

2006-09-27T15:18:00.000+02:00

( الكيف مناولة مش مقاولة )

بلياتشو – جلسة شيشة ثنائية

( نجيب محفوظ عامل زى لعيب الكرة الحريف في الفريق المنافس ، في عز ما تبقي متضايق منه تقول "ابن الـ.... حريّف )

العبد لله – عقب سماعه نبأ وفاة نجيب محفوظ رحمه الله

( رمحه الذهبي الرائع... والممتلئ نارا ...

دخل فيّ مرات... متغلغلاً في أحشائي...

غاية في العذوبة والرخامة لا يمكن لأحد

أن يتمنّي لو أنّه يتوقف. )

القدّيسة تريزا - نقلاً عن رواية ملائكة وشياطين لــ دان براون

(يابني سافر أنت ، ولو فشلت بعد 20 سنة أكيد هاجيلك !)

أحد أصدقائي اللي عند لسه أمل أن البلد دي هاتتعدل ..

اليمن السعيد !

2006-09-05T14:09:00.000+03:00

الموضوع بإختصار أن أحد الكفتجية الإسلاموين أفتي بعدم جواز الترشح امام الأخ المناضل الزعيم المفدي القائد العسكر (علي عبدالله صالح) بحجة انه ولي الأمر ولا يجوز مناقشته !
الواحد بيفكر يخصص قسم من البلوج يسمسه سوبر أحا لكل ملوك ورؤساء العرب !
نص الخبر كاملاً من هنا

احا يا وطن !

2006-09-05T02:17:00.000+03:00

احا بجد !
الفيديوهات اللي نشرها وائل عباس في موقعه (الوعي المصري ) مؤلمة جداً ، تخيل بني آدم غلبان زي اللي في الفيديو الاولاني أنا مش هالومه لو مسك رشاش ولا لف حوالين جسمه قنبلة وفجرها في اللي حاوليه ، أي نوع من انواع امتهان وتحقير واذلال للكرامة تم علي الراجل ده والاف زيه ، نفسي اعرف الناس دي بتروح بيتها ازاي وبتيص في وش عياله وبيجيله نفس ازاي يعاشر مراته وهو نايك عشرات الاف في آدميتهم !
أحا لتاني مرة !
ولا الينت المسكينة دي واحد زي اللي في الفيديو التاني بعساية وهاريها علي جسمها ، بالإضافة لحالة الإحياط الشنيعة اللي عايشها دلوقت ما ظنش تيجي حاجة جنب بني آدم من اللي اتعمل فيهم ، كفاية انه حس نفسه مكيور ومهزوم ومجروح ومداس عليه بالجزمة ، أنا للأسف عينيا دمعت وانا بكتب البوست ومش قادر أكتب أكتر من كده إلا أني اقولهم : في رب إسمه الكريم هو اللي ها ياخدلكم حقكم منهم ..

الوصلات :

هنا
هنا

ياصباح الدماغ العالية !

2006-09-04T03:30:00.000+03:00

كل السيوف قواطع ان جردت
وحسام لحظك قاطع في غمده
إن شئت تقتلني فأنت محكّم
من ذا يطالب سيداً في عبده

موشح اندلسي نقلاًَ عن ميشيل حنا ، لكن بصراحة يستحق يتنشر تاني

أقوال غير مأثورة (1) !

2006-09-03T00:58:00.000+03:00

في الحجرة العلوية كان البهي يدرك ذلك أيضاً .. القحبة ، الفاجرة ، زوجة عبدالغني ، أكبر أبناء الطوالبة ،هي التي أغوته ، هي التي مدت يدها بالنهار يوم السوق ، وسحبته من قفاه ، وهو يمر أمام البيت ، ، وأدخلته إلي الدار ز ((كل هذا النور !)) قالت وسمعها صامتاً ، وتركها تتأمل عينيه ، وتمشي بيدها علي صدره . لقد سحرته . وضعت أصابعها عليه فمشي في جسمه نمل جعله أسيراً لها . سحبته إلي غرفة قريبة وهو مستسلم ، تتابعه نظرات الدجاج والبط في ردهات الدار ز الغرفة الكابية التي بلا نافذة أضاءت فجأة زأدركت هي النور ، ولم يدرك هو أنه دخل في ظلام ! ((يخرج من جسمك ياعريس ،لابد ان أحمل سرك ، أشعلني وأدخلني في جهنم )) . سمعها وتركها تفعل ما تشاء . لقد حملته فوق سبع سموات !

إبراهيم عبدالمجيد - لا أحد ينام في الأسكندرية

((يابني أنا داخل النار راكب صاروخ سكود ))

بلياتشو - لحظة قرف في جولة نيلية معي

الحب هو اللي
يخلي القلب تملي
يدق دقة
بكل رقة
تيك تاك توك بوم بوم
الحب يبقي فرحة
في بدايته يبقي فرحة
وفي نهايته يبقي نيلة
مزيكا وناس وطرحة
تيك تاك توك
تيك تيك بوم بوم

الشاعر المجهول - اسكتشات (الحب هو )

((البلد دي عايزة تتفرمت !))

العبد لله -في لحظة قرف

مشهد :
تلاتة سكرانين فواحد بيقول للتاني : تعرف الي احنا فيه ده بيلهينا عن ايه ؟
التاني : عن تقوي الله ، نيهاهاهاهاهاهاه !

بدون تصريح !

((البلد دي ماشية بطيزها !))

واحد صاحبي - في لحظة بضّينة من الدنيا

قلب فاضي

2006-08-25T03:18:00.001+03:00

الحقيقة التي تعلمتها هي أن الإنسان لا يقتنع إلا بما يريد الإقتناع به ..مهما كان ذكياً أو عبقرياً فهو يحتفظ بجزء من عقله في معزل عن المنطق ، ومهما جئت له بأدلة فأنه لا يقتنع .. لولا هذا لما وجد علماء (طبيعة نووية) هنود يبكون بإيمان أمام صورة كالي ويركعون أمام الأبقار ..

..إقتباس من العدد 47 من سلسلة فانتازيا لد.أحمد خالد توفيق

أشعر بأنه تم إستنفاذ جزء كبير من طاقاتي في محاولة إقناع فاشلة ، لدي قدر من الكآبة أعتقد أنه لن يمحوه إلا نشاط ذهني يستولي علي وأرجح أن يكون مشروهع التخرج لي في الكلية ..

ولكن كما قال منير : حد عايز قلب فاضي ؟ ، انا برضه بقول كده بس بشروط من اهمها : ان تكون خالية تماماً من عقد الإنثي المصرية والعربية الخاصة بتقاليد ولوازم الخطوات السعيدة ، وان تكون علي استعداد لتقبل نظرتي للدنيا والدين والمجتمع المحيط ، والأهم أن يكون عقلها أكبر من أي تفاهات ..

عارفين المستحيلات الاربعة ؟
بس كده

خلص الكلام ..

2006-08-18T15:58:00.000+03:00

خلص الكلام كله
قلبي انا ملّه
آسي في هواه وتعب معاه ولا حس بيا
كان كل شيء ليا وجرح كتير فيا
شوف كام سنة آه م اللي انا شفته بعيني
مين ده اللي يرضي كده يجرالي كده بقي ذنبي كده علشان بهواه
اديته قلبي انا وحياتي انا وتعبت بقي ودي تبقي حياة

زادت جراح قلبي ولو الغرام ذنبي توبة خلاص قلبي ياناس هايبيع هوايا
وهايجري ايه يعني لو كان في يوم باعني لسه السنين جايه كتير مش هي دي النهاية
مين ده اللي يرضي كده يجرالي كده بقي ذنبي كده علشان بهواه
اديته قلبي انا وحياتي انا وتعبت بقي ودي تبقي حياة

للأستماع

مسألة مبدأ ..!

2006-08-16T12:02:00.000+03:00

قال لزوجه: اسكتي . و قال لابنه: انكتم.

صوتكما يجعلني مشوش التفكير.

لا تنبسا بكلمةٍ أريد أن أكتب عن

حرية التعبير !

أحمد مطر

حزين ..

2006-08-16T01:58:00.000+03:00

بعد قصة حب لمدة 4 سنين ، اعتقد أنني في طريقي لإنهاء العلاقة دي بسبب تفكير متعنت غبي مفروض علي العرب والمصريين عند الجواز ، نصيحتي لأي شخص ناوي يتورط في حاجة زي كده : شوف أهل الطرف التاني الاول قبل ما تشوفه هو ، لانك في الأخر هتلاقي انه في فترة من الفترات بيبقي في ايدهم كل حاجة وانت تكتفي بخبط راسك في الحيط ، عالم وسخة !

تفكير اسرائيلي

2006-08-14T00:41:00.000+03:00

شيمون بيرتز- في تصريح له نقلاً عن د.الوهاب المسيري في برنامج (بلاحدود) علي قناة الجزيرة الفضائية- : يجب الاعتماد علي المياة التركية ، والاموال السعودية ، والعمالة المصرية ، و (((العقل ))) الإسرائيلي !

خدامين أبوهم !

مابعد البروكسي !

2006-08-10T02:32:00.000+03:00

أعترف اني مبتعد من فترة كبيرة ، لكن أعمل إيه ماكانش ليا نفس أني اكتب حاجة ، حتي دلوقت ما اوعدش حد اني هاستمر ، علي العموم ليه التفويل !

طول عمري ضد الرقابة ، لا أكره شيء أكتر من إن إنسان يجي يقرر وجهة نظره علي شخص اخر مادام اللي ها يعمله الشخص التاني ما يضرش الاولاني - طبق طبقنا ضرب في طبق طبقكم - ..

الآن أنا في مملكة الظلام ، ومن أكتر الحاجات اللي قارفاني
ومطلعة د** أهلي هو البروكسي ، في الأول قلت هاتعود خصوصاً ان المدة اللي انا قاعدها مش كتير ، لكن بعد مدة لقيت اني مش قادر استحمل خصوصاً ان البشر اللي في مدينة الملك عبد العزيز حاجبين كذا موقع لا دخل له بأي نوع من تابوهات العرب التلاتة : الدين والجنس والسياسة !

المهم بدأت في التدوير علي البروكسي وفعلاً لقيت واحد كويس وبدأت اعمل اللي انا عايزه ، لا لا مالوش علاقة بالافلام البورنو يا حبيبي منك له ، بالعكس الموضوع ده متوفر هنا وبشدة وهاتندهش اكتر اني تقريباً في معقل التدين البدوي السعودي ، لكن مين قال أن الانغلاق هو الحل ، هنا معدلات الشذوذ lمرتفعة الي اقصي ما تتخيل ، لا تستطيع ان تمشي في الشارع بشورت الا لو كنت معاك مضاد كهربي تضربه في في بيضان اللي ها ينط عليك -زي المضادات بتاعت الستات في الغرب- لكن الفرق هنا يا محترم انهم رجالة !

تقريباً نسيت شكل الستات ، كل ما حولك خيم متنقلة فعلاً ، عبارة عن كيان أسود هلامي من فوق لتحت بدون أدني معالم ، اتحاد من البداوة والجلافة والانغلاق والجهل انتج نوعية من البشر تصدر امثال عبد العزيز بن باز والعثيمين واسامة بن لادن ، يامعاه -وبالتالي مع ربنا- ياما من طائفة ولاد الكلب !

وائل عباس -رئيس تحرير الوعي المصري - كان نوه قبل كده الا الحجب اللي بدأت بعض الشركات المصرية في تطبيقه علي بعض المواقع ،لكن كنت مستهين بالموضوع بما ان المواقع اللي اشار ليها ماكانتش مهمة اوي بالنسبة لي ، لكن دلوقت فعلاً حسيت بمدري قرف وائل ، اسف ياوائل اللي ايده في المية مش زي اللي ايده في النار !

أخر المواقع اللي بدأوا يقرفوا البشر فيها هنا هي مواقع ألعاب ياهو ، يتم حجب عدد من العاب الجافا كا دومينو والطاولة لمجرد عالم معتوه قرر هذا علي جموع الشعب !

أخر موقف حدث لي مع الرقابة : كنت في مكتبة العبيكان اشتري بعض الكتب التقنية وفجأة فوجئت بشخص بغيض من اول ما شفته عرفت علي طول انه مطوع ، المهم دخل المكتبة الشهيرة واول كتاب شاف عليه صورة بني ادام بالقلم الفلوماستر وشخبط عليه هو وخمس كتب جنبه لا علاقة له بها ، مع العلم بأن نفس المكتبة تعرض مؤلفات دان براون الاربعة في صدارة المكتبة ، واشتريت بعض منها لاتأكد من انها الترجمة الاصلية وفعلاً كانت ، لكن تقول ايه بقي للجهل !

أصحاب العقول المتحجرة : اتفو !
مديرين الحجب في مدينة الملك عبد العزيز : *********

: تحديث
كنت هانشر التدوينة وانا في السعودية ، لكن العبد لله خاف لا يلقطوه وهوب افضل هناك لأبد الأبدين ، وبالتالي نشرتها في مصر ، واي واحد شايف نفسه ويقولي ما نشرتهاش هناك ليه ؟
ها أقوله انت مال أهلك !

مجتمع وسخ (1) !

2006-06-19T07:43:00.000+03:00

للأسف كلنا بنقع في خطأ إننا بنتقد الحكومة والبلد بدون ما بنبص لنفسنا والمجتمع اللي حوالينا ، بس ما تيجي نسأل نفسنا سؤل : هي الحكومة دي -ولا الحرامية - جت منين ؟
أكيد جت من المجتمع اللي إحنا عايشين في ، سيبك من الكلمتين بنتوع الإنشا بتوع تدهور المجتمع وإنحطاط مستوي القيم وكل الهلمة دي ، وتعال بص لحواليك هتلاقي الآتي :

1 - بنزعم إننا مجتمع وحدة وطنيه بينما يحدث العكس تماماً ، وأصبح عندنا نوع غريب من الكره للطرف التاني ، أسكن بجوار كنيسة ،ودائماً ما تضرب اجراسها بسبب وبدون سبب ، علي حد علمي تضرب الأجراس يوم الأحد وبعض المناسبات الأخري ، لكن مش كل يوم علي الاقل 4 مرات ، أنا إنزعاجي مش من جرس الكنيسة كرمز ديني ، لكن منزعج من حجم الضوضاء الحادثة كأن اللي بيدق الجرس بيطلع لسانه لأي واحد عايز ينام في هدوء ، زي بالضبط أما أجي اعترض علي صوت مؤذن لا يمت بعلاقة بحلاوة ونداوة الصوت المطلوبتين - بالمناسبة أنا من عشاق الأذان المصري بصوت الشيخ مصطفي إسماعيل - ،تيجي بقي سعادتك تشوف ردود الأفعال علي اللي أنا قلته ، فبينما تكون قد إتهمت بالزندقة اما بتهاجم صوت مؤذن وحش ، فأن النصاري ولاد الكلب بتوع الكنيسة أستقّوا من ساعة ما الحكومة سابتهم ، طبعاً ده رد الأخوة اللي بالنسبة لهم الدين من ضمن شعائره كره الآخر ، بنفس الطريقة تجد قطاع كبير من المسيحين في الجانب الأخر ..
يا أخوانا والله أنا مستعد أحلف أن أي شخص متذوق للموسيقي سيطرب بأصوات بعض المؤذنين كالشيخ مصطفي إسماعيل مثلاً ، ومكذلك سيطرب ببعض الترانيم الكنسية وربما قد يكون استمع لبعص الترانيم الخاصة بفيروز من غير ما يعرف أنها ترانيم كنسية !

شعبي وان حر فيه ، شعبي افرده واتنيه !

2006-06-05T03:35:00.000+03:00

نقلاً عن العربية :

وبشأن مقتل حارسي حدود مصريين السبت برصاص جنود اسرائيليين, قال مبارك ان الاسرائيليين عبروا عن "اسفهم" عن الحادث. واعلن الجانبان انهما اتفقا على تشكيل لجنة تحقيق ستقوم بوضع تدابير لمنع تكرار مثل هذا الحادث.

للدرجة دي الدم المصري بقي رخيص ومالوش تمن ، ده حتي التحقيق ما تفتحش ، ولا نقول ما تفشخش ؟!

فضفضة واحد قرفان (1)

2006-06-05T02:40:00.000+03:00

كنت فاكر نفسي اني مع الوقت بقيت بمارس احساس اللامبالاه بإمتياز ، الواحد بيسمع خير ، يتحرق دمه ، وبعدين -هوب- هموم الحياة تنسيه ..
لكن للأسف من ساعة حكاية شرقاوي واللي حصله الإكتئاب موجود ومعشش جواي مش عايز يروح ، لا إمتحانات نافعة انها تلهي الواحد ولا أي حاجة تانية نافعة ..

صديق عزيز كنت بتناقش معاه اننا هانهاجر مع بعض اما نتخرج ، لقيت نفسي بقول له : طب ماحنا لازم نرجع ، اصحابنا واهلنا وناسنا هنا ، انا اللي ماكانش فارق معايا بدأت أكتشف الحقيقة دي في نفسي ! ، للأسف مش عارف أستغني عن البلد دي ، لكن في نفس الوقت البلد دي بقت بتخنق ، مليون ومليون مظهر يومي يخليك تكره حياتك ، بلاش السياسة ، خليك في الناس ، قيم الاستهتار واللامباله والمشي في سير القطيع وعدم القدرة علي الوقوف في وجه الظالم بقت مسيطرة حوالينا ، بقي الحق والنظام والرأي كل ده كلام فاضي ، وياعم عيش وسيبك من وجع الدماغ ده !

المشكلة اني مريت بتلات مراحل : الأولي هي الإنتماء وذكريات الطفولة الغريرة ، التانية الخروج علي نظام المجتمع الغبي اللي حوالينا ، والتالتة الاحساس بكل ما حولك بمنظور اشمل واوسع ..
هل احنا فعلاً شعب وسخ وما ينفعش يجي الا بالكرباج ؟
هل احنا ما فيش امل فينا خلاص لا سياسة ولا علم ولا اخلاق ولا أي حاجة ؟
للأسف إلي الآن :ايوة ، إحنا كده ، لكن تعمل ايه في الجزء ابن الكلب اللي جواك بيربطك بالبلد دي ؟

مدد ...............

الإسم شرقاوي ..

2006-06-01T06:59:00.000+03:00

شرقاوي واحد بمية راجل ، بيحب البلد دي رغم ان الكتير - وأنا اولهم - ماعادوش واثقين ان البلد دي بتحبهم ولا لأ ؟

ساعات بحسد اللي زي شرقاوي علي حبه للبلد بالطريقة دي ، وعشان فعلاً هو يستاهل طلع له الشخص المجهول ده وكتب له موال أثر فيا جداً ، إقرأوه معايا :

الأوله م الحق كلمتى أنا اقولها
والثانية غنوتى وبلدى أرغولها
والتالته قسمتى فى بلد غشيم غولها
الإسم محمد المصرى والمهنة أنا راوى
إسكندرانى من بحرى والنقب شرقاوى
اكتب حكاية وطن بيموت م العفن وحكم المخاوى
طار من عيون جلادى النوم
خاف من مشاورة لوم
لما شافنى للحق غاوى رمانى ف حبسه
لما انفضح ظلمه وعلى ندايا الحق لكل إنسان متساوى
ديابه نطت فى أرضى
كممت حلقى هددت عرضى
فنصبتلهم الحاوى هشم مناالضلوع
طلبم منا الخنوع
قام صوتى غنى لحريتنا غناوى
قالو نوينا نسفح دمك
ونموت بالحسرة أمك
رديت وأنا فرحان ع الحب أنا ناوى
يا مصر يا ام العجب بحق اللى خلق فيكى الخلود
قومى بقى بالجود وامحى دولا البلاوى

صدقني ياشرقاوي مش عارف أقولك إيه ؟
بكرة جاي قريب

I’m OK, You are NOT OK

2006-04-22T20:18:00.000+02:00

بإقتباس من مدونة (سامحوني ماكانش قصدي) * :

I’m OK, You are NOT OK

بيقولوا ف علم النفس، إن أصعب حالة نفسية ممكن يكون فيها شخص هي:

هي إنك تبدأ تحس، إن انت كويس، وحلو، وبتعمل اللي عليك، إنما اللي حواليك دول مش بني آدمين، ايه اللي بيعملوه ده؟؟ بيفكروا بأنهي شكل؟؟ ليه مش قادرين يبذلوا المجهود اللي بتبذله؟ ليه مبيفهموش زي ما انت فاهم؟؟ عمرك ما هتقدر تتحسن بالشكل ده... عمرك ما هتطلع من الحفرة دي طول ما الناس دول في حياتي.... إلخ

انتهي الإقتباس ..

أكاد أجزم أن الحالة دي منتشرة بشدة في المجتمع المصري ، علي كل المستويات ، بداية من أعلي سلطة في البلد لغاية الأب في عيلته الصغيرة ، فكرة أن يتمحور كيان مجموعة من الأشخاص حول شخص واحد مصيبة سودا والمصيبة الأكبر أنك تجد اللي يقوله انت صح ،دول كلاب ما بيفهموش ولا مقدرين النعمة اللي هما فيها ، كفاية مثلاً تيجي تعمل مظاهرة ، تلاقي اللي حوالين الريس يقولوا : دول كلاب ومش عارفين مصلحة نفسهم ، ابن ما يعترض علي تصرفات ابوه تلاقي الام وبقية الإخوات يقولوا للأب : ده جاهل ، ده حمار ما يعرفش ايه الكلام اللي بيقوله ، انت هاتمسك علي كلام واحد مجنون مش عارف قيمة اللي هو فيه ؟!
طبعاً في الحالتين : الناس بتوع كفاية بتخبط دماغها في الحيطة ، والواد برضه ممكن يبقي في عقل باله بيقول : علي النعمة انتوا اللي مجانين !

ضيف علي النظرية دي بقي نظرية (واطيعوا الله والرسول وقولي الأمر منكم ) الشهيرة مع إتحادها مع الفقه الوهابي الوسخ ، يبقي انت وصلت لمجتمع من البصمجية كل همه يشوفله حد ياخد منه الاوامر وهو ما يتحملش مسؤلية ، ماهو الريس بتاعه هو اللي امره بكده !

عارفين المشهد الشهير :
إدعوا للعمدة إدعوله ..
يخرب بيت أبوه

*من تدوينة (نهاية سامحوني ماكانش قصدي)

قرد وحمار وأسد !

2006-04-22T03:43:00.001+02:00

مشهد اول :

القرد : رايح علي فين يا حمار ؟
الحمار : قلت لك قبل كده ما تقوليش يا حمار !
القرد : ماهو انت فعلاً حمار ، هاتتنكر لحموريتك ؟
الحمار : مش ناوي تتلم ؟انا رايح للأسد يشوفلي صرفة معاك ..

مشهد تاني :

الحمار : يأسد مش انت ملك الغابة ؟
الأسد : أيوة طبعاً -وهو بيبرم شنباته-..
الحمار : طب شوفلي صرفة في القرد بتاعنا ده ، كل ما يشوفني يقولي (رايح فين ياحمار) ، وانا حذرته قبل كده وماتعظش ..
الأسد : مانتي يابني فعلاً حمار ، ربنا خلقك كده ، هاتغير خلقتك يعني !
الحمار -بميول إلحادية- : مالكش دعوة بربنا دلوقت ، شوف لي حل في الموضوع ده !
الأسد : خلاص ، من هنا ورايح هانسميك (سمكة) واما نشوف أخرتها معاك !

مشهد أول مكرر :

القرد : رايح فين ياحمار ؟
الحمار : انا ما عدتش حمار ، من هنا ورايح بقي اسمي (سمكة) !
القرد : بتعرف تعوم؟
الحمار : لأ !
القرد : تبقي حمار !

رباعيات !

2006-04-16T03:01:00.000+02:00

أنا شاب لكن عمري ألف عام
وحيد لكن بين ضلوعي زحام
خايف ولكن خوفي مني انا
اخرس لكن قلبي مليان كلام

وعجبي !

سؤال !

2006-04-15T17:39:00.000+02:00

بعض الأوقات بتحس ان الدنيا كلها واقفة قدامك ، انك كل ما تطلع من حفرة تقع في دحديرة ، ياتري انتوا بتعملوا ايه في مثل هذه المواقف ؟

كاركتير

2006-04-15T17:33:00.000+02:00

ع اللي حاصل في الحواصل ياسلملم

2006-04-09T04:16:00.000+02:00

مبروك يا عريسنا
يا أبو شنة ورنة
يا واخدنا وراثة
أطلب وإتمنى
وأخرج من جنة
أدخل على جنة
مش فارقة معانا
ولا هارية بدنا
ولا تاعبة قلوبنا
ولا فاقعة بيضاننا
يا عريس الدولة
إفرح وإتهنى
ما احناش كارهينك
لكن هارشينك
حا تكمل دينك
وتطلع ديننا

"الفاجومي" بعد إعلان خبر خطوية "جمال مبارك"

انتي اللي عملتي لكل شباب الدنيا قلق

2006-04-07T19:11:00.000+02:00

انتي اللي عملتي لكل شباب الدنيا قلق
وعملتي قلوبهم اسورة وخلخال ورق
انا كنت ناوي لما اشوفك اسرقك
واخد بـ تار كل اللي قلبه بيعشقك
أول ما شوفتك قلت سبحان من خلق
قلبي اتفلق نصين عشان يبقي الحلق

قالو حبيبها لا جيه زمانه ولا اتولد
وضحكت ضحكة كبرياء اشطر ولد
ووعدتهم اسكن في حضنك للابد
وجيت عشان اكسب انا لوحدي السبق
أول ما شوفتك قلت سبحان من خلق
قلبي اتفلق نصين عشان يبقي الحلق

اقوي القلوب كانت اوام تتهزلك
وانا كنت ناوي أحضن هواكي وازلزلك
وان كنتي مغرورة وعالية انزلك
وتعلني خبر انتصاري علي الملأ
أول ما شوفتك قلت سبحان من خلق
قلبي اتفلق نصين عشان يبقي الحلق

بغض النظر عن "تامر تمورة" إلا ان الاغنية عجبتني ، كلمات "بهاء الدين محمد" وألحان "محمد يحي" ، وتقدر تسمعها من هنا

ويقولك البنات ليه ما بتتجوزش ؟!

2006-04-07T14:45:00.002+02:00

القانون الأول :

بناتي مش أقل من بنات فوزية البرجوازية !!
أنت عايز الناس تاكل وشنا يابني !

القانون التاني :

حفلة الجواز هي الفرحة اللي متبقية للبنت
طول عمرها ، واللي بتفضل مستنياها طول عمرها !

القانون التالت :

يابني احنا بنشتري راجل ، مهر بنتي
وشبكتها تقلها دهب ، وانت واخد بالك طبعاً !

القانون الرابع :

ماهو لو عملت لك كل ده يبقي هانتجوز كمان
عشرميت سنة وهناكل طوب وزلط إن شاء الله !

وبناء علي القوانين اعلاه :

لكي أن تختاري أنستي المبجلة بين شغل فوزية البرجوازية وحلق حوش أعلاه ، وبين أنك تتجوزي الانسان اللي اخترتيه وهو اختارك ، يا إما تفكك من السيرة دي وتروحي تشوفيلك شوفة تانية ، وإبقي قابليني !

*أي تشابه بين القوانين دي وحال أي حد بيقرأ التدوينة أو صاحبها لا محل له من الإعراب ، وأحسن له يتغطي كويس بالليل

رآي

2006-03-26T01:33:00.000+02:00

تربطني علاقة عجيبة بموسيقي الراي لا أعرف لها سبب ، بالتأكيد لأ أفهم معظم ما يقال في أغاني الرآي بحكم عدم معرفتي باللهجة و كذلك لعدم معرفتي -علي الإطلاق- بالفرنسية !

أكثر ما يعجبني في موسيقي وأغاني الراي معني الحرية ، عندما أستمع إلي موسيقاه أشعر أنها تنقلني إلي عالم رحب به خليط من الصعلكة علي الحزن الشجّي وكذلك الاندماج ، أستطيع أن أصفها يشعورك وانت تمشي تحت زخات قليلة من المطر في يوم شتوي قارص البرودة وتربط الكوفية حول رقبتك وتدخن سيجارة ، أو شعورك بأنك في وسط صحراء وتشعل نار للتدفئة، أو أنك تود ترقص فجأة ! قد تبدو الاحاسيس متباعدة ، لكنها تصلني كما كتبتها..

ملك الرآي الشاب خالد له حنجرة بديعة لا أعرف كيف أصفها ، حنجرة قادة علي نقل الاحساس بدرجة شنيعة مع لمسة من البحة المحببة ،لكنه في نفس الوقت يستطيع ان يؤدي الاغاني الإيقاعية بنفس الدرجة التي يؤدي بها الاغاني الحزينة، إستمع له في "ديدي" -التي كسرت الدنيا وقت ظهورها- وإستمع له في "وهران" ،الأولي إراهنك إذا لم ترقص مع ايقاعها ، والثانية سيدخلك شعور بالإنقباض -حتي ولم تفهم اللغة-

الشاب "رشيد" هو الآخر حكاية أخري ، إستمع له في الاغنية الرائعة "يارايح" ، صوت غجري مبهر لا أعرف من أي طبقة يغني ، لكنها رائعة

والشيء الأخير في هذه التدوينة هو : قدرتهم الرائعة علي التجمع فتجد العديد من الاغاني التي غنوها سوياً مثل "عبدالقادر" ، عن نفسي شخصياً أفضل تسجيل الحفلة هذا عن تسجيل الاغنية منفرداً بصوت الشاب "خالد"

أعرف شخص يعشق موسيقي الرآي لكنه مختفي منذ فترة بعيدة ، ابن مصر ربنا يرجعك علي خير

مشعل وصحابه في موسكو !

2006-03-04T01:22:00.000+02:00

عم الحاج "خالد مشعل " والجماعة بتوع حماس متواجدين دلوقت في موسكو ، عاصمة الروس قتلة آلاف المسلمين !

بالتأكيد ده مش رأيي الشخصي ، ﻷن السياسة لا تؤمن بالمطلق ، لكن مالفت نظري أن ما توقعته بخصوص أن حماس ستتضطر لنهج مسار أكثر براجماتيه مما كانت عليه قد حدث بالفعل ، لأنها لو لم تفعل ذلك ستهزم شر هزيمة في الإنتخابات القادمة ..

ياتري إيه رأي الجماعة بتوع الإخوان حول الحج إلي عاصمة الملاحدة الكفرة ولاد الكلب ، أخيراً صدقتوا أن السياسة لا تؤمن بالمطلق علي طول الخط ؟

عن نفسي أنا مش ضد أن حماس تفاوض الروس او الإسرائليين حتي ، مادام مازال في ايديهم البنادق التي تحفظ لهم جزء من وزنهم ، لكن اللي عايز أقوله أن ما حدش بعد كده يجي يصّدع دماغ أهلي ويقولي الأخوان ولا حماس ما يسلموش علي قتّال قتلة ولا سفّاح ، لأن الكلام ده أثبت أنه هجص ، والدليل ادامكم ..

مارأيكم دام عزّكم؟

بكامل الإكتئاب !

2006-03-03T05:01:00.000+02:00

انصحك تسمعها بالليل متأخر في ليلة كئيبة !

الجنة الآن

2006-03-03T03:58:00.000+02:00

لسه مخلص الفيلم حالاً ، وعندي حالة إكتئاب شنيعة ..

نفس الحالة اللي جاتلي بعد مشاهدة فيلم "باب الشمس " بالضبط ، الفيلم معبر بدرجة كبيرة ، من المرات النادرة اللي بيخرج فيها الموضوع من نظام الحرب الحنجورية إلي المشاعر الانسانية بدرجة رائعة ..

للأسف أنا مخنوق دلوقت ، هاحاول أكتب عن الفيلم مرة تانية لكن اللي عايز ينزل الفيلم تقدر تنزل ملف التورنت بتاعه للنسخة العربية من هنا